10 ЈУНИ: ИЗЛОЖБА НА КЕРАМИКИ ОД Ф. ФИДАНОВСКИ „ПИКАСО МОЖЕБИ ЈАС 2“

Во рамки на програмата за „Гевгелија град на културата за 2025 година“, утре (10 јуни 2025 година), во уметничката галерија „Амам“- Гевгелија, со почеток во 19:00 часот, ќе биде отворена Изложба на керамики од Филип Фидановски- „Пикасо можеби јас 2“. Ќе бидат претставени 13 дела изработени во керамика, насликани со енгоба, глазура и 18-каратно злато за керамика и порцелан.
Поставката во Гевгелија е соработка помеѓу НУ Музеј- Гевгелија со Здружението за архитектура, дизајн и култура „Архифакт“- Скопје, во рамките на Проектот „Музеум линк“. Изложбата е под покровителство и финансиска поддршка на Амбасадата на Кралството Шпанија во Македонија. Куратор на изложбата ќе биде Кирил Пенушлиски.