СПОРТСКО-КУЛТУРЕН НАСТАН „ОСТАНИ БЕЗ ЗДИВ“ ПОСВЕТЕН НА ЃУРГИЦА ЌАЕВА

Со спортско-културен настан, во Гевгелија, се одбележа 5 Мај- Светскиот ден на Пулмоналната хипертензија, во организација на Асоцијацијата на Пулмонална хипертензија „Момент плус“- Гевгелија. Над 90 учесника трчаа на 5 км од патеката „Милци“ до центарот на градот, во чест на Ѓургица Ќаева, младата гевгеличанка која ја загуби битката со оваа болест.
Во забавниот дел, учество земаа локални изведувачи, односно свој концерт имаа групите „Хитс“ и „Фониа“, како и пејачите: Филип Ангов, Теда, Оливера Станковска, Марија Ичкова, Мартин Костадинов форевер. Настапија и Ансамблот „Бојмија“ и Танцовото студио „Мистик“ од Гевгелија.
Овој настан е поддржан од Општина Гевгелија.