ОДРЖАНО 2. ИЗДАНИЕ НА СПОРТСКО-РЕКРЕАТИВНАТА МАНИФЕСТАЦИЈА „СИТЕ УФ СЕРМЕНИН“

Во организација на Здружението на граѓани „Гевгелија Точак Клуб“ и годинава низ планинското село Серменин се реализираа велосипедски тури, на коишто учестуваа 150 велосипедисти од цела Македонија. Настанот беше збогатен и со турнири во шах и табла, играње карти, џамлии и пинг-понг. Спортско-рекреативната манифестација „Сите уф Серменин 2024“ е поддржана преку Програмата на Општина Гевгелија за финансирање на спорските активности за 2024 година.